འབྲེལ་ཡོད་དྲི་བ།

འདེམ་ཤོག 0
དྲིས་ལན 0
དེ་རིང་ནི་སྤྱི་ལོ་

ཕེབས་པར་དགའ་བསུ་ཞུ།

ཉིད་ཀྱིས་དྲ་ཚིགས་འདིའི་ ནང་དྲི་བ་དྲིས་ལན་གང་རུང་ སྤེལ་ན་ཆོག ད་དུང་མི་གཞན་གྱི་དྲི་བ་དང་ དྲིས་ལན་གང་ཡིན་རུང་ལན་ འདེབས་དང་དཔྱད་འཇོག་ སྤེལ་ཆོག འདི་ནི་སྒང་བ་བོད་པའི་ཤེས་ རིག་གི་གླེང་སྟེགས་ཤིག་ཡིན་ ཕྱིར་ཚང་མས་རྒྱབ་སྐྱོར་ཡོད་ པར་བཀའ་དྲིན་ཞུ།

འདི་ནས་ཀྱང་དྲི་བ་དྲིས་ཆོག:

མཉམ་སྤྱོད་བྱེད་གནས།

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས།

tibetanqa3

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས tibetanqa3ཡིན་ལ། ཁྱེད་ཀྱིས་སྐད་འཕྲིན་གྱི་སྤྱི་སྟེགས་བརྒྱུད་ནས་ཀྱང་རྒྱུས་ལོན་བྱས་ཆོག འདི་ནས་ཞིབ་བརྗོད་བྱུ་རྒྱ་ཞིགལ། ཉིད་ཀྱིས་དྲི་བ་དྲིས་ལན་ལས་གཞན་ཕན་ཚུན་ལ་མཁོ་བའི་ཡིག་ཆ་དང་རྒྱུ་ཆ་སྤྲེལ་མཐུད་ཀྱི་ལམ་ནས་མཉམ་སྤྱོད་བྱས་ན་ཆོག

༄༅།། བོད་ཡིག་གི་རྨང་གཞིའི་ཤེས་བྱ།

འདེམ་ཤོག 0

༄༅།། བོད་ཡིག་གི་རྨང་གཞིའི་ཤེས་བྱ།
༡༾   བོ ད་ཀྱི་རི་ཆེན་བཞི།  
ཧས་པོ་རི།  ལྕགས་པོ་རི།  ཆུ་བོ་རི།  གོང་པོ་རི་བཅས་སོ།།
༢༾  བོད་ཀྱི་མཚོ་ཆེན་བཞི།  
ཡར་འབྲོག་གཡུ་མཚོ།  མ་ཕམ་གཡུ་མཚོ།  བྱང་གནམ་མཚོ།  མཚོ་ཁྲི་ཤོར་རྒྱལ་མོ་བཅས་སོ།།
༣༾  བོད་ཀྱི་པར་ཁང་བཞི་ནི།  
སྡེ་དགེ་པར་ཁང་།  ཞོལ་པར་ཁང་།  སྣར་ཐང་པར་ཁང་།  ཅོ་ནེ་པར་ཁང་བཅས་སོ།།
༤༾  འདོད་ཡོན་ལྔ།  
གཟུགས།  སྒྲ། དྲི། རོ། རེག་བྱ་བཅས་སོ།།
༥༾  དབང་པོ་ལྔ་ནི།  
མིག  སྣ། རྣ། ལྕེ། ལུས་བཅས་སོ།།
༦༾    རོ་དྲུག   
མངར་བ།  སྐྱུར་བ། ཁ་བ།  བསྐ་བ།  ཚ་བ། ལན་ཚ་བ།བཅས་སོ།།
 
 
༿ མཁན་སློབ་ཆོས་གསུམ།༾
༧༾  མཁན་སློབ་ཆོས་གསུམ།   
མཁན་ཆེན་ཞི་བ་འཚོ།(བོ་དྷི་ས་ཏྭ)   སློབ་དཔོན་པདྨ་འབྱུང་གནས།  ཆོས་རྒྱལ་ཁྲི་སྲོང་ལྡེ་བཙན་བཅས་སོ།། 
༨༾  ཆོས་རྒྱལ་མེས་དབོན་རྣམ་གསུམ། 
ཆོས་རྒྱལ་སྲོང་བཙན་སྒམ་པོ།  ཆོས་རྒྱལ་ཁྲི་སྲོང་ལྡེ་བཙན། མངའ་བདག་ཁྲི་རལ་པ་ཅན་བཅས་གསུམ་མོ།། 
༩༾  ས་སྐྱ་གོང་མ་རྣམ་ལྔ།  
ས་ཆེན་ཀུན་དགའ་སྙིང་པོ།  སློབ་དཔོན་བསོད་ནམས་རྩེ་མོ།  རྗེ་བཙུན་གྲགས་པ་རྒྱལ་མཚན།  ཆོས་རྗེ་ས་སྐྱ་པཎྜི་ཏ་ཀུན་དགའ་རྒྱལ་མཚན། འགྲོ་མགོན་ཆོས་རྒྱལ་འཕགས་པ་བཅས་ལྔའོ།། 
༡༠༾  ཆོས་རྒྱལ་སྲོང་བཙན་སྒམ་པོའི་བཙུན་མོ་ལྔ་ནི།  
མོང་བཟའ་ཁྲི་ལྕམ།  མི་ཉག་བཟའ་རུ་ཡོང་། ཞང་ཞུང་བཟའ་ལི་ཐིག་སྨན།  བལ་བཟའ་ཁྲི་བཙུན།  རྒྱ་བཟའ་ཀོང་ཇོ་བཅས་སོ།།
༡༡༾  དབུ་མེད་ཡིག་གཟུགས་ཀྱི་དབྱེ་བ།  
ཟློས་ཧྲལ།  ཚུགས་རིང་།  ཚུགས་ཐུང་།  ཚུགས་ཆུང་ངམ་འཁྱུག་མ་ཚུགས།  འཁྱུག་ཡིག་བཅས་དྲུག་གོ  །
༡༢༾  ཕྱི་ནང་གཉིས། 
ནང་པ་སངས་རྒྱས་པ་དང་ཕྱི་རོལ་མུ་སྟེགས་པའོ།།
 ༡༣༾  རྒྱལ་སྲིད་སྣ་བདུན། 
འཁོར་ལོ་རིན་པོ་ཆེ།  ནོར་བུ་རིན་པོ་ཆེ།  བཙུན་མོ་རིན་པོ་ཆེ། གླང་པོ་རིན་པོ་ཆེ།  བློན་པོ་རིན་པོ་ཆེ།  རྟ་མཆོག་རིན་པོ་ཆེ།  དམག་དཔོན་རིན་པོ་ཆེ་བཅས་སོ།།
༡༤༾  སྒྲའི་སྐྱེ་གནས་བརྒྱད། 
བྱེད་པ་དང་། བསྡུ་བ། བསྒྱུར་བ། དྲང་བ། འཇུག་པ།  རྣམ་པར་དབྱེ་བ།  ཕྱོགས།  དངོས་པོ་བཅས་སོ།།
༡༥༾  མིང་ལ་དབྱེ་ན།  
དངོས་མིང་དང་།  བཏགས་མིང་།
༡༦༾  དངོས་མིང་ལ་དབྱེ་ན། 
འདྲ་བ་དང་འབྲེལ་བ་མ་བྱས་པའི་མིང་གཉིས། 
༡༧༾  བཏགས་མིང་ལ་དབྱེ་ན།  
འདྲ་འབྲེལ་གང་རུང་བྱས་པའི་མིང་གཉིས་སོ།།
༡༨༾  རྒྱན་དྲུག་མཆོག་གཉིས།  
རྒྱན་དྲུག་སྟེ།  སློབ་དཔོན་ཀླུ་གྲུབ། སློབ་དཔོན་འཕགས་པ་ལྷ།  སློབ་དཔོན་ཐོགས་མེད།  སློབ་དཔོན་དབྱིག་གཉེན། སློབ་དཔོན་ཕྱོགས་གླང་། སློབ་དཔོན་ཆོས་གྲགས།  མཆོག་གཉིས་ནི།  སློབ་དཔོན་ཡོན་ཏན་འོད་དང་ཤཱཀྱ་འོད་བཅས་སོ།།
 
 
༿ ཚེ་རིང་རྣམ་དྲུག་དང་མཐུན་པ་སྤུན་བཞི།༾
༡༩༾  ཚེ་རིང་རྣམ་དྲུག  
བྲག་ཚེ་རིང་།   ཆུ་ཚེ་རིང་།  ཤིང་ཚེ་རིང་།  མི་ཚེ་རིང་།  བྱ་ཚེ་རིང་། རི་དྭགས་ཚེ་རིང་།བཅས་སོ།། 
༢༠༾   བོད་བཙན་པོའི་རྒྱལ་རབས་སྐབས་ཀྱི་ཡིག་མཁན་ཆེན་པོ་བརྒྱད་ཀྱི་ཕྱག་རྒྱུན་གང་དང་གང་ཡིན།  
སྦལ་ནག་ན་ཁར་བགྲད་འདྲ།  སོ་ཕག་གཤིབས་འདྲ།  སེང་གེ་གནམ་ལ་མཆོང་འདྲ།  སྦུར་ནག་བགྲད་འདྲ།  ནས་ནག་ཕྱིང་དཀར་གྱི་སྟེང་དུ་བཀྲམ་པ་འདྲ།  མུ་ཏིག་སྟར་ལ་བརྒྱུས་འདྲ།  བྱ་ཕོ་འཇོལ་བ་འདྲ་བ།  ཉ་མོ་ཆུ་ནང་ནས་ཐོན་པ་འདྲ་བ་བཅས་སོ།། 
༢༡༾   རིག་གནས་ཆེ་ཆུང་བཅུ་ནི། 
རིག་གནས་ཆེ་བ་ལྔ་སྟེ།  བཟོ་རིག་པ།  གསོ་བ་རིག་པ། སྒྲ་རིག་པ།  ཚད་མ་རིག་པའམ་གཏན་ཚིགས་རིག་པ། ནང་དོན་རིག་པ་བཅས་དང་།  ཆུང་བ་ལྔ་ནི།  སྙན་ངག  མངོན་བརྗོད། སྡེབ་སྦྱོར།  ཟློས་གར།སྐར་རྩིས་བཅས་སོ།།
༢༢༾   ཐང་སྟོང་རྒྱལ་པོ་ཞེས་པའི་མཚན་ཐོབ་ཚུལ། 
ཐང་སྟོང་རྒྱལ་པོ་ཁོང་གཙང་རྒྱལ་རྩེའི་ཐང་མཁར་དུ་བཞུགས་སྐབས།  ཁྱབ་གདལ་ཆེན་པོའི་ཐང་ཆེན་ན།  ། སྟོང་ཉིད་རྟོགས་པའི་རྣལ་འབྱོར་ཞིག  །འཇིག་རྟེན་རྒྱལ་པོ་ལྟབུར་བཞུགས།  ། དེ་ཕྱིར་ཐང་སྟོང་རྒྱལ་པོ་ཞེས་སུ་གྲགས། ། 
༢༣༾  རྔོག་ལོ་ཙྭ་བ་བློ་ལྡན་ཤེས་རབ་ཀྱིས་ལོ་ཆེན་བཻ་རོ་ཙ་ན་སོགས་ལ་གདེང་འཇོག་གང་འདྲ་གནང་ཡོད་དམ།
བཻ་རོ་ཙ་ན་ནམ་མཁའ་དག་དང་མཉམ། །སྐ་ཅོག་རྣམ་གཉིས་ཉི་ཟླ་ཟུར་གཅིག་ལ། །རིན་ཆེན་བཟང་པོ་ཐོ་རེངས་སྐར་ཆེན་ཙམ། །ཁོ་བོ་དེ་དྲུང་སྲིན་འབུ་མེ་ཁྱེར་བཞིན།   །ཞེས་བསྔགས་བརྗོད་གནང་ངོ་།། 
༢༤༾  ཕ་མ་བུ་གསུམ་གྱི་ཡི་གེ་གང་ཡིན། 
མ་ནི་ཨ་ཁོའོ། །ཕ་ནི་གསལ་བྱེད་གཞན་ཉི་ཤུ་རྩ་དགུ། །བུ་ནི་དབྱངས་བཞིའོ།།
༢༥༾  ཚད་མ་གསུམ།  
མངོན་སུམ། རྗེས་དཔག  ལུང་གི་ཚན་མ་གསུམ། ཕྱི་རབས་ཚད་མ་འཇམ་མགོན་ས་པཎ་གྱིས་ཚད་མ་གཉིས་སུ་བསྡུས་གནང་སྟེ། ལུང་ཚད་མ་རྗེས་དཔག་ཚད་མའི་ཁོངས་སུ་བསྡུས་ནས་ཚད་མར་མངོན་སུམ་དང་རྗེས་དཔག་གཉིས་སུ་དབྱེ་ཡོད་དོ།།


 

ཆེས་གསར་བའི་དྲི་བ། ཟླ 9 16, 2017 རིགས་གྲས།:བོད་སྐད་ཡིག་གི་ཉེར་མཁོའི་ཤེས་བྱ། | སྤྱོད་མཁན།: རྒྱ་ནག་པ། (སྐར 4,033 )
ཐུ་བྷོད་དྲི་བ་ཀུན་འདུས་ཀྱིས་ཁྱེད་ལ་དགའ་བསུ་ཞུ།

ལག་རྩལ་བ། གླིང་སྟག་ཕྲུག སྐད་འཕྲིན། langxiaohu1

青ICP备15000275-1号

...