འབྲེལ་ཡོད་དྲི་བ།

དེ་རིང་ནི་སྤྱི་ལོ་

ཕེབས་པར་དགའ་བསུ་ཞུ།

ཉིད་ཀྱིས་དྲ་ཚིགས་འདིའི་ ནང་དྲི་བ་དྲིས་ལན་གང་རུང་ སྤེལ་ན་ཆོག ད་དུང་མི་གཞན་གྱི་དྲི་བ་དང་ དྲིས་ལན་གང་ཡིན་རུང་ལན་ འདེབས་དང་དཔྱད་འཇོག་ སྤེལ་ཆོག འདི་ནི་སྒང་བ་བོད་པའི་ཤེས་ རིག་གི་གླེང་སྟེགས་ཤིག་ཡིན་ ཕྱིར་ཚང་མས་རྒྱབ་སྐྱོར་ཡོད་ པར་བཀའ་དྲིན་ཞུ།

འདི་ནས་ཀྱང་དྲི་བ་དྲིས་ཆོག:

མཉམ་སྤྱོད་བྱེད་གནས།

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས།

tibetanqa3

ཐུ་བྷོད་དྲི་བ་ཀུན་འདུས་ཀྱི་སྐད་འཕྲིན་སྤྱི་སྟེགས tibetanqa3ཡིན་ལ། ཁྱེད་ཀྱིས་སྐད་འཕྲིན་གྱི་སྤྱི་སྟེགས་བརྒྱུད་ནས་ཀྱང་རྒྱུས་ལོན་བྱས་ཆོག འདི་ནས་ཞིབ་བརྗོད་བྱུ་རྒྱ་ཞིགལ། ཉིད་ཀྱིས་དྲི་བ་དྲིས་ལན་ལས་གཞན་ཕན་ཚུན་ལ་མཁོ་བའི་ཡིག་ཆ་དང་རྒྱུ་ཆ་སྤྲེལ་མཐུད་ཀྱི་ལམ་ནས་མཉམ་སྤྱོད་བྱས་ན་ཆོག

༄༅།།ཡང་སྲིད་དག་ལ་ཕུལ་བའི་གཏམ་ཚན་པ་བཅུ།

འདེམ་ཤོག 0

༄༅།།ཡང་སྲིད་དག་ལ་ཕུལ་བའི་གཏམ་ཚན་པ་བཅུ།                           

 དུང་དཀར་ཡོན་ཏན་རྒྱ་མཚོ།     ཅོ་ནེ།                                                                                

དང་པོ།   ས་དགེ་བཀའ་རྙིང་སོགས་གྲུབ་མཐའ་གང་ཡིན་ནའང་རང་རང་གི་ཡང་སྲིད་དེ་ཚོས་སྟོན་པའི་གསུངས་དང་མི་མཐུན་པའི་ལས་སྒྲུབ་ནས།  གཡོ་རྒྱུ་དང་ཆོས་ནི་འབུལ་བ་ལེན་ཐབས་ཁོ་ནར་སྤྱོད་ནས་དབང་ལུང་གང་གནང་ཡང་།  རྨོངས་དད་ཅན་དང་ཕྱོགས་རིས་ཅན་འགའ་ཤས་ནས་ཡ་མཚན་དུ་འཛིན་སྲིད་ཀྱང་།  དུས་རབས་ཉེར་གཅིག་པའི་ཤེས་ཡོན་ཅན་རྣམས་ཀྱི་བློ་ངོར་སངས་རྒྱས་ཀྱི་བསྟན་པ་དང་བོད་མི་རིགས་ཀྱི་ཞབས་འདྲེན་མཁན་ཞིག་ལས་གང་ཡང་སྣང་མི་སྲིད།                                                     

གཉིས་པ།  ཡང་སྲིད་གང་དེའི་འགྲོ་འདུག་སྤྱོད་གསུམ་གང་ཡང་རུང་བས་སེམས་ཅན་གཞན་གྱི་བདེ་སྐྱིད་དང་འཚོ་ཐབས་སོགས་ལ་གནོད་མཁན་ཞིག་དང་།  སྐུ་སྐྱེས་སྔོན་མའི་མཛད་འཕྲོ་དང་རྒྱབ་འགལ་དུ་སྤྱོད་པ་ཡིན་ཚེ།  ཐམས་ཅད་མཁྱེན་པ་དང་རིན་པོ་ཆེ།  སྐྱབས་མགོན་སོགས་ཀྱི་མིང་བཟུང་ཡོད་ནའང་ཇག་པ་སེར་པོ་དང་རྐུན་མ་དམར་པོ་ཟེར་བ་དེ་ང་ཡིན་ཞེས་པ་དང་གཉིས་སུ་མ་མཆིས།                                       གསུམ་པ།   ཡང་སྲིད་བསླུ་མེད་དེ་ཚོས་བསྟན་པ་དང་འགྲོ་བའི་དོན་བྱེད་ན་སོ་སོ་གནས་སའི་ཁོར་ཡུག་དང་ཡུལ་ལུང་དེའི་ནང་གི་དད་ལྡན་ཉམ་ཐག་ཚོའི་དོན་མཛད་དགོས་རྒྱུ་རེད་མ་གཏོགས།  སེམས་ཅན་ཐམས་ཅད་ཞེས་རང་ཉིད་ཀྱི་སྐུ་སྐྱེས་སྔོན་མ་དང་ཚེ་འདིའི་ཟས་གོས་ལོངས་སྤྱོད་སོགས་དང་འབྲེལ་བ་གཏན་ནས་མེད་སའི་ཐག་རིང་གི་འགྲོ་དོན་མཛད་རྒྱུ་དེ་ཆེས་དཀའ་བ་ཞིག་རེད་སྙམ།                                              

བཞི་བ།  དཔལ་འབྱོར་དང་ཁྲིམས་ལུགས།  ཆབ་སྲིད་ཀྱི་བསམ་བློ་སོགས་ཀྱིས་བོད་མི་རིགས་ལ་ཕྱིའི་དངོས་པོའི་མཐུན་རྐྱེན་ཇེ་ལེགས་སུ་གཏོང་བ་དང་ལྷན་དུ།  དགོན་པ་སོ་སོའི་ནང་གི་ཡང་སྲིད་ཀྱི་སྡེ་ཁག་རྣམས་ཀྱིས་དད་ལྡན་མང་ཚོགས་སྦྱིན་བདག་ཕྱུག་པོ་དག་རྩོད་པའི་ངན་སེམས་དེ་སྤངས་ཤིང་།  བོད་ཀྱི་ཆོས་དང་རིག་གནས་ཀྱི་ཐོག་ནས་འཛམ་གླིང་དང་ཡང་ན་བོད་མི་རང་གི་ནང་སེམས་ཀྱི་བདེ་སྐྱིད་བསྐྲུན་ཐབས་ལ་འབད་ཐུབ་རྒྱུ་ན།  ང་ཚོའི་མི་རིགས་འདི་ལ་དེ་ལས་ལྷག་པའི་ཕན་ཐོག་ཚུལ་ཞིག་གང་ནས་ཀྱང་ཡོད་རྒྱུ་མ་རེད།                                                           

ལྔ་བ།  བོད་མི་རིགས་ཀྱི་རེ་བ་ཡོད་ཚད་མངོན་འགྱུར་ཡོང་ཐུབ་མིན་ནི་ད་ལྟའི་ཡང་སྲིད་ཚོས་དམ་པའི་ཆོས་འདུལ་བ་དང་མཐུན་པའི་ལུས་ངག་ཡིད་གསུམ་གྱི་སྤྱོད་ལམ་གཙང་མའི་ཐོག་ནས་རང་རང་གིས་སྒྲུབ་འོས་པ་དེ་སྒྲུབ་མིན་ལ་རག་ཡོད་སྙམ་པ་ཞིག་སྐབས་དང་སྐབས་སུ་དྲན་གྱིན་འདུག                                               

དྲུག་པ།  ཡང་སྲིད་རེ་འགས་དགོན་པའི་ལས་གཉེར་བ་བསྐོ་བཞག་མཛད་སྐབས་ཡོན་ཏན་ཡོད་མེད་དང་ལྷག་བསམ་རྣམ་དག་གིས་བསྟན་པ་ལ་ཤ་ཚ་མིན་སོགས་ལ་མི་ལྟ་བར་སྡེ་བ་དང་ཁྱིམ་ཚང་བརྒྱུད་ནས་དེའི་ངོ་སོ་ལ་བལྟས་ནས།  དགོན་པ་གྲྭ་ཚང་གི་ལས་འཛིན་པར་བསྐོ་བཞག་བྱེད་པའི་སྲོལ་ངན་ཞིག་དར་འདུག་པ་དེ་ནི་རྒྱལ་ཁབ་ཅིག་དང་མི་རིགས་ཤིག་ཡིན་རྒྱུ་ན་རྩ་མེད་དུ་འགྲོ་བའི་ལྟས་ངན་མིན་ནམ་སྙམ་གྱིན་འདུག                                            

བདུན་པ།  རྗེ་བླ་མ་རྒྱལ་བ་གཉིས་པ་བློ་བཟང་གྲགས་པའི་དཔལ་གྱིས་མཛད་པའི་ཕྱག་སྲོལ་པད་མའི་སྦུབས་ལྟ་བུའི་ནང་རུལ་ནས་སངས་རྒྱས་ཀྱི་གསུངས་གང་ལའང་ཁུངས་གཏུགས་ས་མེད་པའི་ལག་ལེན་རླངས་འཁོར་དང་བླ་བྲང་།  རྒྱལ་ཁབ་ཀྱི་ཐོབ་དང་གོ་ས་འགྲན་བསྡུར་ལྟ་བུས་ཡང་སྲིད་དག་ཁོམ་པོ་མེད་པར་གྱུར་བ་ནི་བསྟན་པ་ལ་དགྲ་དེ་ལས་ཆེ་བ་མེད་སྙམ་པའང་དྲན་གྱིན་འདུག་ན།  འདི་ལྟ་བུའི་མཛད་པ་ངན་པ་དག་ཐེར་མཛད་མ་ཐུབ་ཚེ་ཕྱིས་སུ་དད་ལྡན་མང་ཚོགས་དང་རང་ཉིད་བཅས་ཕམ་པའི་རྒྱུར་འགྱུར་བས་མྱུར་དུ་རྨོངས་པ་ལས་སད་རན་རེད།                                                  

བརྒྱད་པ།  སྔོན་གྱི་ལོ་རྒྱུས་དང་ད་ལྟའི་འཕེལ་རྒྱས་ལ་དཔགས་ན་ད་ལྟ་མྱུར་དུ་ང་ཚོའི་ཡང་སྲིད་དག་གི་ཀུན་སྤྱོད་དང་གཞན་ཕན་མཛད་སྟངས་སྐོར་ལ་འགྱུར་བ་ཞིག་གང་མགྱོགས་མགྱོགས་ཀྱིས་མ་གནང་ཚེ་སངས་རྒྱས་ཀྱི་བསྟན་པ་རྒྱས་མི་ཐུབ་པ་མ་ཟད་བོད་མི་རིགས་ཡང་གནས་མི་ཐུབ་པ་ནི་ཚང་མའི་ཡ་ཐོད་ཀྱི་མིག་མདུན་ན་ཡོད་པའི་གཟུགས་བརྙན་གསོན་པོ་ཞིག་རེད།                                                

དགུ་བ།  ཡང་སྲིད་ཁྱེད་ཅག་གིས་མགོ་ནས་སྐལ་ལྡན་དང་བ་འདྲེན་པའི་མིག་རྒྱན་ལྟ་བུ་ཞིག་མཛད་མ་ཐུབ་པར་སངས་རྒྱས་ཀྱི་བསྟན་དོན་དང་མི་རིགས་ཀྱི་ལ་རྒྱ་ཞེས་མིང་སྙན་པོ་བཏགས་ནས་ནོར་ལོངས་སྤྱོད་ཇི་ལྟར་བཙལ་ཡང་སངས་རྒྱས་ཀྱི་བསྟན་པ་དང་མི་རིགས་ཀྱི་འཕེལ་རྒྱས་ལ་དེ་ལས་ལྷག་པའི་གནོད་ཚུལ་ཞིག་གང་ན་ཡོད་དེ་མེད་དོ།།                                                               

བཅུ་བ།  ཡང་སྲིད་ནི་བསྟན་དོན་ཁོ་ནར་བྱོན་པ་ཡིན་པ་ཐག་གིས་བཅད་ཆོག་ན།  རང་གི་ཉེ་འབྲེལ་དང་ཞབས་ཞུ་སོགས་མི་སྣ་དེ་དག་ལ་དབང་འཛིན་དུ་བཅུག་པ་ནི་ཧ་ཅང་གི་ནོར་འཁྲུལ་དང་ཉེས་པ་ཆེན་པོ་ཡིན་པས་གཟབ་དགོས།  ཆབ་སྲིད་ཀྱི་དཀྱིལ་འཁོར་ཆེན་པོའི་ནང་ན་འཁོར་བའི་དེང་གི་དམངས་གཙོའི་རྒྱལ་ཁབ་ཚོས་ཀྱང་འདི་ལྟ་བུ་ལ་འཛེམ་གྱིན་ཡོད་ན།  ཉེ་རིང་ཕྱོགས་རིས་ཀྱིས་མ་གོས་པའི་ཡང་སྲིད་ཚང་ལ་དེ་དག་མི་མཛའ་བ་ནི་བློ་དང་ལྡན་པ་ཚོས་རྟོགས་ངེས་རེད་དོ།།                                           

ཆེས་གསར་བའི་དྲི་བ། ཟླ 11 7, 2017 རིགས་གྲས།:རྩོམ་འབྲིའི་སྟེགས་བུ། | སྤྱོད་མཁན།: རྒྱ་ནག་པ། (སྐར 4,033 )
ཐུ་བྷོད་དྲི་བ་ཀུན་འདུས་ཀྱིས་ཁྱེད་ལ་དགའ་བསུ་ཞུ།

ལག་རྩལ་བ། གླིང་སྟག་ཕྲུག སྐད་འཕྲིན། langxiaohu1

青ICP备15000275-1号

...